Ontdek God se Lewe

Teks: Matteus 7:13-14

'“Gaan deur die nou poort in. Die poort wat na die verderf lei, is wyd en die pad daarheen breed, en dié wat daardeur ingaan, is baie. Maar die poort wat na die lewe lei, is nou en die pad daarheen smal, en dié wat dit kry, is min.” '


Die Christelike lewe is soos ’n reis waarin daar baie dinge is om te ontdek. Toe Jesus sy groep van twaalf manne geroep het om Hom te volg, het hulle letterlik op ’n ontdekkingsreis vertrek. Saam het hulle deur die land gereis, van hul Here geleer en God se waarheid aan almal wat wou luister verkondig. Jesus het die beeld van 'n reis gebruik om die Christen se lewe te illustreer. Hy het gesê dit is soos om weg te draai van die maklike, self-bevredigende lewensopsie; en in plaas daarvan te kies om die nou en steil pad te volg wat op God gefokus is. Jesus het hulle en ons verseker dat, waar ons ook al reis, God altyd daar sal wees. Hy belowe dat Hy ons nooit sal verlaat nie. Hy het Sy Gees gegee om ons deur die lewe, uitdagings en moeilikhede te help en ons te lei na ’n lewe by God.
 
God se doel, leer en boodskap vir ons is onveranderlik. Ons kom na Hom deur Jesus Christus, Sy Seun. Sy waarheid is altyd relevant om Sy kinders te help om Sy Woord, weg en wil te verstaan. God roep, lei en stuur ons doelbewus op reis deur ons lewe. Die einde van ons nou-pad is nooit in twyfel nie – Jesus het ’n plek vir ons in die hemel voorberei.
 
Geseënde week en vakansie. Mag jy jou Hom vind op jou weë en ontdek waarheen Sy pad jou lei.

Andrè






 
Vorige Briewe