Wese van goeie dade

 
 
Deuteronomium 6:1-4
 
Die besondere opdrag om God lief te hê met alles wat en wie ons is dui op ons verhouding met God, as ons Vader en ons as Sy kind.  Dit is ‘n liefde wat my hele wese omvat. Vanuit hierdie verhouding kry ons geloofslewe vorm in die praktyk van elke dag. In my ken en liefhê van God, is my vertroue in Hom ge-anker – ek kan my hele lewe aan Hom toevertrou.
 
In normale omstandighede vertrou ons maklik. Wanneer ons egter in nood is en Hom die nodigste het, twyfel ons baie keer en maak ons staat op ons eie vermoëns, of soek ons hulp weg van God af. Dit is juis in hierdie omstandighede dat ek deur geloof moet en kan vashou aan God en Sy belofte: Ek is by julle al die dae tot die voleinding van die wêreld (Matt 28:20).
 
God is onveranderlik en standhoudend. Die Here se liefde vir jou en my as mens is deur Christus bevestig. Daarom kan ek saam met die Psalmdigter my voluit in die hand van die lewende God oorgee: Ek hou vas aan U troue liefde, oor die uitkoms wat U gee, juig my hart. Ek wil sing tot eer van die Here, omdat Hy aan my goed gedoen het (Ps 13:6).
 
God gee om. Gaan doen jy ook so.
Andrè


 

Vorige Briewe 

Jesus se Woorde Jesus se eerste woorde van Sy opstanding was net buite die leë graf. Ons lees daarvan in Johannes 20 waar Maria Magdalena na Hom gaan soek het. Sy was in trane, omdat Sy Hom nie kon kry nie, toe Jesus met haar praat. More ... Die kleur van vergifnis God is die bron van die volkome Lig wat ons lewe rig. Ons lewens-waarde lê in Hom wat deur ons skyn na die wêreld. Die wêreld word gevul met ‘n reënboog van kleure omdat God se verlossende Lig elkeen op ‘n unieke manier bereik en bevry. More ... Die kleur van sonde Hemelse Vader, help my om verby my sonde en foute te kyk, om U goedheid en liefde vir my raak te sien. Wanneer dit moeilik is, O Heilige Gees, help ons om mekaar by te staan. Dankie vir die kleur van U liefde, wat duidelikste skyn in my nietigheid. Amen. More ... Skrikkeljaar Beide die liefde en ‘n skrikkeljaar kan deur 'n Christelike lens gesien word as ‘n geleentheid wat ons herinner aan God se getrouheid, die verbygaande aard van die lewe, en die oproep om mekaar lief te hê More ...