Feite en gevoel

 
Ons menslike bestaan word soveel keer gevul en geraak deur emosie. Soms is ons geneig om soveel op ons gevoelens te fokus dat ons van die feite vergeet. Dit kan van toepassing wees op ons verhoudings, huwelike, ouerskap of selfs ons geloof in God. Hoe moet ons dink oor die verhouding tussen ons emosies, gevoelens, logika, denke en geloof? Die volgende gedig verwoord iets hiervan:
 

Three men were walking on a wall,
Feeling, Faith and Fact,
When Feeling got an awful fall,
And Faith was taken back.
So close was Faith to Feeling,
He stumbled and fell too,
But Fact remained,
And pulled Faith back
And Faith brought feeling too.

                              ~Author Unknown

 
Maak nie saak hoe ons voel nie, die feite van die heelal verander nooit. Die grote skepping getuig en verkondig in elke detail die bestaan en grootheid van God as Opperwese. Die feite rondom die bestaan van die historiese Jesus se lewe (wat uit soveel oorde gedokumenteer is), insluitende Sy opstanding, het die geskiedenis en wêreld waarin ons vandag leef gevorm. Geloof en feite loop hand-in-hand.

Glo jy dit, of laat jy toe dat jou tydelike emosies jou geloof beïnvloed?

Jou Skepper het jou so lief, dat Hy Sy wêreld met jou wil deel. Jou Skepper het jou so lief, Hy het self 'n mens geword, om onskuldig te sterf en weer op te staan, om jou te red van ewige lyding en dood. Ek en jy en elke gelowige deel in die Ewige Lewe deur ons geloof in die feite van die Waarheid, eerder as ons emosies en gevoelens.
 
Wat ons met ons geloofsoë in hierdie lewe sien, is net so werklik soos God se skepping wat ons met ons fisiese oë sien. Dit vul ons met emosies van vrede, vreugde, liefde en hoop in die wete dat God se genade, vergifnis, liefde en getrouheid feite is in ons lewe.

Andre






 
Vorige Briewe