IN 'n Stabiele gesin

Teks: Efesiërs 2:19, 3:14-15; 1 Korintiërs 3:14-15 
 

Die terme "familie" of "huishouding" van God, wys heen op die verhouding wat daar in die kerk tussen die lidmate en God as Hoof bestaan.  As lede skakel ons IN en is ons deel van God se gelowige familie.  God se Vaderskap verskaf 'n riglyn vir die gemeente se gesinslewe, en so ook ons lewens.

Daar is groot aanmoediging – veral vir nie-Joodse bekeerlinge in die vroeë kerk – gevind in die feit dat almal gelyk gedeel het in die voorregte van God se huishouding, Jode en nie-Jode; slaaf en heer.  Die heiden was nie meer 'n buitestander of vreemdeling nie, maar was genooi om in te skakel en te deel in die genade, liefde en verlossing van God. 

Dit behoort ook vandag waar te wees van die kerk en ons gemeente, want God is steeds elke Christen gelowige se Vader. Sy liefde is steeds gevul met verlossing vir elkeen wat Hom aanvaar. Wêreldse en menslike hindernisse bederf die gesinslewe wat God wil hê die kerk moet hê. Mag ons elkeen inskakel by God en Sy gemeente gesin.
 

Geseënde week.
Andre


 
Vorige Briewe