In Balans met Sy wil

Teks: Romeine 7 en 8

Die vakansie is ‘n geleentheid om te rus, te dink en te beplan. Dit is ‘n tyd wat ons vul met ‘n versigtige optimisme oor vandag en wat môre mag bring. So hoor ons mense sê: "Elke dag is 'n nuwe begin om te word wie jy wil wees". C.S Lewis slaan die spyker op die kop met sy eenvoudige, dog diepgaande beskrywing van 'n nuwe dag: “Relying on God has to begin all over again every day as if nothing has yet been done.”
 
Ons probeer ons bes om elke dag te beheer en bestuur. Ons besluit om 'n positiewe gesindheid te hê; om nie in die uitdagings vas te kyk nie; ons kies om herhaaldelik te vergewe; ons glimlag en tel onsself op, selfs wanneer ons net wil kla. Ons vul ons kalenders met planne, vriende en dinge, ten spyte van ons gejaagde lewens en werk.

Romeine praat baie oor gebroke menslike begeertes en ons onvermoë om dit sonder die hulp van God te oorkom. Ons moet dit erken. Wanneer ons nie vas is in ons wandel met die Here nie, is ons geneig om meer selfsugtig, negatief en eiegeregtig te leef.

Romeine 7:18 sê: Want ek weet dat niks goeds in my woon nie, dit wil sê in my vlees. Want ek het die begeerte om te doen wat reg is, maar nie die vermoë om dit uit te voer nie. Gelukkig word hierdie opgevolg met ‘n gedeelte van hoop: En ons weet dat vir hulle wat God liefhet, alles ten goede meewerk, vir hulle wat volgens sy voorneme geroep is. (Romeine 8:28)

                                                                (gedeeltelike erkenning aan Aimee Rodgers)
 
Ons kan en moet op God vertrou. Hy sal ons daarin lei om ‘n balans in ons lewens te vind volgens Sy wil. Winston Churchill het gesê:  "Success is not final, failure is not fatal: It is the courage to continue that counts."
 
André
 
Gebed:

God, grant me the serenity to accept the things I cannot change, 

the courage to change the things I can, 

and the wisdom to know the difference. Amen.
 

Vorige Briewe