Wat bid ons?

Teks: Matteus 6:9-13; Handelinge 1:14; Lukas 11:1-13
 
In Matteus 6:9-13 leer Jesus aan die dissipels hoe hulle moet bid. Jesus waarsku dat die dissipels nie soos skynheilige moet wees, of ‘n stortvloed van woord moet gebruik nie. Hulle moet eerder fokus daarop om ‘n intieme gesprek met God te hê. Jesus leer die dissipels bid en in watter gesindheid ons moet vra wanneer ons bid, asook wat ons verwagtinge moet wees wanneer ons vra.  Dan leer Hy hulle die Onse Vader gebed. 
 
Ons gebede moet, soos Jesus die dissipels geleer het, begin met lofprysing aan God. Ons gebede moet God se soewereiniteit en mag erken. Ons gebede moet ons dankbaarheid en afhanklik van die God se liefde en genade verwoord. Laastens moet ons met volharding en afwagting bid (Handelinge 1:14) en bereid wees om te wag vir God se antwoord.
 
Gebed:

Ons Vader wat in die hemel is, laat u Naam geheilig word;
laat u koninkryk kom; laat u wil ook op die aarde geskied, net soos in die hemel.
Gee ons vandag ons daaglikse brood;
en vergeef ons ons oortredings soos ons ook dié vergewe wat teen ons oortree;
en laat ons nie in versoeking kom nie maar verlos ons van die Bose
Aan U behoort die Koninkryk en die krag en die heerlikheid tot in ewigheid.

Amen.

Vorige Briewe