Jesus weet Wie Hy is

Teks:  Lukas 22: 66-71
 
As kind sê Jesus aan Sy ouers dat Hy tuis is in die huis van Sy Vader. Aan die begin van Sy bediening word Sy wesensidentiteit bevestig met Sy doop. In Getsemane, in Sy uur van nood, roep Hy God aan as Vader in gebed.

Steeds bly Hy getrou aan God se wil. Wanneer Hy voor die Sanhedrin (Joodse Raad) staan – hulle wat nie in Hom glo nie – vra hulle die vraag: “Is jy die Seun van God?” Jesus gebruik hul eie woorde om self te erken “Dit is soos julle sê.”

Jesus weet en sê self dat Hy die Seun van God is. Daarom word Hy weggelei om gekruisig te word.
 
Ons Here ken seer, pyn en lyding. IN geloof weet jy Hy ken jou lewe en hart.

Gebed :
Heer, my Heer, U ken my hart.
U weet waar ek loop, waar ek struikel, waar ek val.
Ek vra U nou, verander my, bou my karakter.
Verwyder alles wat keer dat U doel met my bereik word.
Skyn U lig oor my en bevry my van ydelheid,
van trots, van verwaandheid.
Bevry my van vrees en onsekerheid.
Reinig my, Heer, en vul my opnuut,
want net in U is ek sterk.
In gehoorsaamheid aan U kan ek rus vind.
Wanneer ek beproef word,
leer my om geduldig te wees.
Vul my met U Gees.
Gee my ’n onbreekbare vertroue
in U allesoorheersende liefde.
Ek bid dit in die Naam van Jesus.
Amen.

prayer for anxiety.com
(Afrikaanse verwerking: Tessa Oppermann)
 

Vorige Briewe