In die Begin

Teks: Genesis 1: 1-13

 
In die begin staan die daad van God sentraal. Genesis 1 sê: die daad was dat God gespreek het. Hy het gesê en so het Hy geskep. Psalm 33:9 Hy het gepraat en dit was so, Hy het beveel en dit was daar.  God se instruksie het die aarde bewoonbaar gemaak. Toe Hy klaar geskep het, was daar lig en ruimte, water en grond, tyd en diere, kos en lewe.

Die mens kon tuis wees in die wêreld. Die mens het alles wat ons nodig het om te lewe. Vanaf die begin van die heelal, is die omgewing van die mens, die aarde, sy tuiste omdat God self daar was.
                                                       (gedagtes Prof JP Oberholzer)
 
In die begin het mense gedink dat Jesus vir hulle daardie tuiste sou kom herstel. Christus rig- ons verstaan en wys – dat ons tuiskom waar God is. Daarom gee Hy Sy Gees aan ons.

SA Gemeente is ons geestelike tuiste, waar jy welkom is en tuiskom In die middel van ons roeping staan God se stem en opdrag:

Wees lief vir mekaar. Vergeef ander soos Ek julle vergewe. Deel My Evangelie met elke huis en hart.
 
Geseënde week 
Andre
 

Vorige Briewe