Oppad af na Betlehem

Teks: Matteus 2:1

“Jesus is in Betlehem in Judea gebore tydens die regering van koning Herodes. Na Jesus se geboorte het daar sterrekykers uit die ooste in Jerusalem aangekom...Nadat hulle die koning aangehoor het, het hulle vertrek; en kyk, die ster wat hulle sien opkom het, het hulle gelei totdat dit gaan staan het bo die plek waar die Kindjie was.”
 
Vanuit die wêreld se perspektief is “op” die enigste manier om te gaan...net soos 'n kompasnaald noord wys, wys die menslike naald op. In ons op-loop na die geboorte van ons Here, word ons herinner dat God se plan baie keer anders is.
 
Vir Jesus was die enigste weg op na verhoging, deur as kind en mens af na die aarde toe te kom. In 'n wêreld waar die meeste mense dink die enigste pad om te gaan is opwaarts, het Jesus 'n lewe van wonderlike afwaartse beweging gelei – van hemel, na aarde, na kruis, in graf, dood en hel...om eindelik op te vaar na die Vader.

As mens het Jesus God “af na ons gebring” sodat ons God kan leer ken...sodat ons op kan staan en Hom te kan volg tot in ewigheid.
 
Ek wil jou uitnooi om op te trek na ons Loughton Kerssangdiens, 11 Desember... om saam met die wyse manne af te reis na die stal van Betlehem om voor ons Koning en Here te kniel.
 
Andrè

andre@sagemeente.com


Vorige Briewe