God is anders hier.

  
Tema:  God is anders hier.

My gedagtes is nie julle gedagtes nie, en julle optrede nie soos Myne nie, sê die Here; [9] soos die hemel hoër is as die aarde, so is my optrede verhewe bo julle optrede en my gedagtes bo julle gedagtes. (Jesaja 55:8-9)

God is daar. Hy was van altyd af daar. Hy sal ook altyd daar wees. Hy is Heilig, heeltemal anders en apart van ons. Ons moet nie ons toegang tot Hom gering ag en as vanselfsprekend aanvaar nie.
 
Die voorbeeld van Jesus het aan ons kom wys, wat God sal doen om ons weer in 'n regte verhouding met Hom te kry. Die dissipels en volgelinge van Jesus het na Hom gestroom, terwyl hy hul geleer en genees het, en kon nie naby genoeg aan Hom kom nie. Wanneer mense naby Jesus was, het hulle veilig en rustig gevoel. Hulle het geweet dat Hy vir hulle sou sorg.
 
Dit was die dood en opstanding van Jesus wat dit vir ons moontlik gemaak het, om die Vader met dieselfde vertroue te nader. Die gordyn in die tempel, die gordyn wat almal behalwe die hoëpriester uit God se onmiddellike omgewing gehou het, het in twee geskeur toe Jesus gesterf het. Dit het die begin van 'n heel nuwe manier om met God te kommunikeer en verbind, aangedui.
 
God is nie meer net daar nie, maar ook hier in jou lewe teenwoordig.

Andre



Vorige Briewe