Krag van die Opstanding.

  
Teks: Lukas 24 en Jesaja 53

Na 40 dae se reis, volg en refleksie oor die lewe van ons Here Jesus het ons voor ‘n kruis gaan staan. Na 3 dae se intense bekommernis en wonder oor die sin van dit alles, staan ons voor ‘n oop graf. Vandag is ons oppad “huis toe” met nog ‘n vraag: Wat nou?
 
In Lukas 24 lees ons van twee van Jesus se volgelinge. Hulle is oppad na Emmaus, en hulle worstel met dieselfde vrae. Dan verskyn ‘n “reisiger” aan hulle wat alles aan hulle uitlê. Hulle herken nie vir Jesus wanneer Hy aan hulle die Ou Testamentiese geskrifte oor God se verlossing verduidelik nie. Jesus beskryf die verwagte Messias (Jesaja 53) en hoe God se plan, anders daarna uitsien as wat die mens se verwagting is. Dan begryp hulle vir die eerste keer – hulle verstaan nou dat dit juis die Messias se wonde is, wat genesing sal bring vir gelowiges se oortredings.
 
Die krag van die opstanding is anders as wat ons verwag. Die standvastigheid van God is die grondslag vir elke gelowige se lewe. So sal die dienaar van God soos 'n loot voor die Here uitspruit, soos 'n plant wat wortel skiet in droë grond.
 
Gebed: Here, dankie vir 40dae se ondersoek; vir U openbarings; vir U voortdurende gestalte in lyding en lewe. Amen.
 

Andre
 

Vorige Briewe