Gister, Vandag en Môre

In die begin het God alles geskep soos Hy wou en dit “was goed.” Die mens was saam met God in die tuin sonder enige beperkings en tekorte.
 
Deur die Bybel heen maak God dit duidelik – ten spyte van die mens se sonde en tekortkominge – dat Hy die mens by Hom wil hê. Openbaring 21:3-4 verwoord dit soos volg:

“Toe het ek 'n harde stem van die troon af hoor sê: “Kyk, die woonplek van God is nou by die mense. Hy sal by hulle bly; hulle sal sy volke wees, en God self sal by hulle wees as hulle God.  Hy sal al die trane van hulle oë afdroog. Die dood sal daar nie meer wees nie. Ook leed, smart en pyn sal daar nie meer wees nie. Die dinge van vroeër het verbygegaan.”
 
Wat is nou ons gevolgtrekking oor al hierdie dinge? Dít: “God is vír ons, wie kan dan teen ons wees?” (Rom 8:31). God sê duidelik in Jeremia 29 vanaf vers 11: “Ek weet wat Ek vir julle beplan, sê die Here: voorspoed en nie teenspoed nie; Ek wil vir julle 'n toekoms gee, 'n verwagting! Dan sal julle My aanroep, tot My kom bid, en Ek sal julle gebede verhoor.”
 
God kies en ken jou. Roep Hom aan, bid tot Hom en ken Hom.

Geseënde week 
Andre

Vorige Briewe