In die begin

Teks: Genesis 1, Psalm 33:9, Johannes 1
 
In die begin het God geskep deur te sê en dit was so. Psalm 33:9 sê: Hy het gepraat en dit was so, Hy het beveel en dit was daar. Die evangelie van Johannes skryf: In die begin was die Woord daar, en die Woord was by God, en die Woord was self God. Hy was reeds in die begin by God.  
 
Daar lê ‘n hele lang stuk geskiedenis tussen die begin van Genesis en Johannes. Die paradys se begin het tot ‘n einde gekom en die aarde het ‘n harde tuiste geword gevul met geweld, rampe en onsekerheid. Die besonderse en wonderbaarlike is dat die Woord waarmee God in die begin geskep het, nie stil geword het nie. Daardie Woord het mens geword en tussen ons kom woon om ‘n nuwe lewe en begin te bring
                            (Prof JP Oberholzer).
 
Johannes praat van lewe en lig; genade en waarheid. Hy praat van geloof en die reg om kinders van God te wees. Wanneer ons glo is dit die einde van ons lewe in die duisternis en die begin van ons reis in die Lig. Dit is die lig wat jou vernuwe deur die Gees en lei na jou bestemming en nuwe ewige lewe.
 
In die komende jaar is daar verskeie wonderlike aktiwiteite wat ons beplan – eredienste, kuiers, kampe (die “Big Chrurch Day Out”) en so meer. Hou ons e-posse dop en kom reis saam mekaar en God. Mag jy in 2022 nuut begin.

Andre

Vorige Briewe