Die hele boks bestandele

Ons huishouding is getroue 'Hello Fresh' ondersteuners. Elke week ontvang ons die boks met ‘n pakkie vir elke dag. Elke pakkie bevat alles wat jy benodig om die ingeslote resep te volg om 'n heerlike dis te maak, waaraan ons hele gesin kan smul. Dit gebeur soms dat die kinders kieskeurig is oor dit wat hulle wil eet. Hoe ons ookal die resep en bestanddele aanpas, verhoed ons om die volle bedoelde smaak te ervaar.
 
Ons ervaar dit ook in ons geloofslewe. God se Woord gee vir ons al die bestanddele om ‘n geesvervulde lewe naby Hom te leef. Dit sluit in – jou persoonlike konneksie met Hom; jou verbinding met Sy Kerk en Gemeente; asook jou verhouding met mense rondom jou.  Ons is baie keer kieskeurig hoe, waar en met wie, ons Sy leiding wil aanvaar en implementeer in my lewe.
 
Oor die afgelope paar maande het God ons uitroep na Sy Woord geantwoord en het elkeen van Sy kinders die Woord op ‘n nuwe manier ontvang. September maand word ons geroep om Sy oproep te antwoord en opnuut in Sy gemeente plek in te neem. Ek sien uit om jou daar te sien om saam ons Here te kan dien.
 
Geseënde week. Sien jou by Sondag se Huiskerk.
Andrè

Vorige Briewe