Om die Hemel te proe.

 
Tema: Om die hemel te proe....

Teks: Romeine 8:23

…ook ons wat die Gees ontvang het as die eerste gawe van God, ons sug ook.
 
In die Ou Testament lees ons van die eersteling offer. Dit was ‘n teken dat die hele oes aan die Here behoort – ‘n geleentheid om die Here te dank vir Sy voorsiening. Wanneer Paulus die Gees die ‘eerste gawe’ noem, sê hy aan sy lesers: God gee aan julle die Heilige Gees as die eerste gawe van die oes. Wie die Gees van die Here ontvang het, het ‘n voorsmaak van die hemel gekry – hoe dit is om direk by God te wees (Annes Nel).
 
Ons weet – die wêreld waarin ons leef is gebroke. Dit is gevul met pyn, trane, dood, sonde en hartseer. Christene ly ook onder siekte, geweld, verlies en onsekerheid. Dit is belangrik om te onthou – God gee aan jou, Sy kinders, Sy Gees. Daarom verstaan gelowiges dat hierdie wêreld, lewe en uitdagings tydelik is. Dit is maar ‘n oomblik…’n sug…waarin die Gees van God ons versterk en lei na die ewige heerlikheid.
 
Kom kuier gerus Saterdag saam, vir ‘n eerste keer weer, in die gemeenskap van gelowiges.  Kom deel aan die smaak van God se Koninkryk. Geseënde week en hoop om jou Saterdag by die Bring-en-braai Piekniek te sien !
Andre
 
Gebed: Here God, dankie vir U Gees. Heilige Gees, help my om op te kyk, verby die kortstondige, om die ewige te sien en aan vas te hou. Amen.

Geseënde week.
Andrè

Vorige Briewe