Aanbidding met my lewenskleure.

 Teks: Psalm 95:6

1  Kom, laat ons jubel tot eer van die Here, laat ons juig oor die rots by wie ons redding vind,
2  laat ons na Hom toe gaan met lof, laat ons Hom toejuig met lofsange,
3  want die Here is die magtige God, die groot koning oor al die gode. . . .
6  Kom ons val in eerbetoon voor Hom neer, kom ons buig, kom ons kniel voor die Here ons Skepper!
7  Hy is ons God en ons is sy volk, sy kudde, sy skape, deur sy hand versorg.
 
 
Psalm 95 beskryf die identiteit van die volk as die kudde van God. Dit begin met aanbidding en eindig in hulle opstand teen Moses (Eksodus 13:1-7) en die Here. Die volk het deurlopend vergeet “wie” hulle is as kinders van die Almagtige God.

Dit help nie mens aanbid die Here met jou mond; val op jou knieë voor Hom neer; en roep Hom aan as Vader, Herder, Versorger en Koning, as jy nie gehoorsaam na Sy stem luister nie. Aanbidding beteken om God se stem te hoor, gehoor te gee en Sy leiding te volg.
 
God het jou gemaak. Jou Here ken en roep jou. Jou Vader het jou sekere gawes gegee om Sy liefde en kleur met hierdie wêreld te deel – soos net jy dit kan doen. Jesus gee verskeie riglyne aan ons in die Evangelie. Dit is nou in jou hande om na die stem van Sy Heilige Gees te luister; gehoor te gee aan Sy opdrag(te); en die situasies en mense te identifiseer waar jy jou geloofskleure tot Sy eer kan uitskilder.
 
Geseënde week.
Andrè

Vorige Briewe