Om die kerk te wees wat God bedoel het.

 
Hebreërs 13:8 sê: 'Jesus Christus is gister en vandag dieselfde en tot in ewigheid.'
 
Ou gewoontes sterf moeilik af en dit is duidelik waar ons nou weer uit die grendelgreep kom. Ons leef in ‘n tyd en samelewing waar “nuut”, “beter”, “vinniger” en “nuutste”, mense se fokus en (byna) obsessie is. Voorbeelde hiervan is legio – selfone, rekenaars, televisies, klere, motors, ens.  Met elke nuwe weergawe of uitgawe, spring mense en staan hulle inlyn of om “een van die eerstes” te wees om die nuutste “ding” te kry.
 
Ons almal weet dat meeste dinge in die lewe ‘n rak-leeftyd het. Na ‘n sekere tydperk en hoeveelheid gebruik, gee dit die gees en moet daardie spesifieke item vervang word met iets nuuts. God is nie een van daardie “items of dinge” nie. So is Sy kerk ook nie. Jesus Christus is nie gebroke nie, Hy het opgestaan en lewe steeds. Ons hoef Hom nie regtemaak of te probeer vervang nie.
 
Daar word baie gepraat oor die “prestasies” van gemeentes, die indrukwekkendheid van hulle musiek- en ander bedienings, of hulle moderne en professionele kerkgeboue en aanlyn-eredienste. Maar om die Kerk van God te wees, het ons eintlik niks van die dinge nodig nie. Om die Kerk te wees wat God bedoel het met die uitstorting van Sy Gees, het ons eintlik net die basiese boustene nodig.

Ons het die Woord van God nodig, ‘n hart vir God, ‘n gehoorsame gemoed, en die behoefte om in Jesus se voetspore te volg.

                                              (verwerking van Darla Noble se woorde)
 
Gebed: Here, leer my U hart ken. Leer my U weë. Leer my U volg. Amen.

 
Sien jou Sondag by Huiskerk waar ons gaan praat oor Hoogte-vrees. 
 
Andrè

Vorige Briewe