Geloofsreis

In 2 Petrus 1:1 stel Petrus homself voor as Simon Petrus, 'n Dienaar en 'n Apostel.  Iemand wat geloof ontvang het. Iemand wat weet wie hy is – die rots wat God dien.
 
Die reis van “impulsiewe Simon” na “Petrus, die rots” was nie vining of eenvoudig nie. Ons lees in 2 Petrus 1:1-3 dat hierdie verandering aan Simon Petrus gegee is deur die goddelike krag van Jesus Christus, die Verlosser.  Dit was nie 'n eenmalige geskenk wat alles in 'n oogwink verander het nie.  Dit was ‘n geskenk wat Petrus stuk-vir-stuk deur sy lewe ontvang en aanvaar het. Net soos ‘n rots, was sy geloofsvorming en -groei stadig en pynlik. Hy moes toelaat dat God hom laat groei van Simon tot Petrus.
 
Ons geloofsreis is ‘n geskenk van God. Ons deel aan Christus, is nie wat ons verdien nie, maar dít is wat God vir ons wil hê. Ons moet bereid wees om ons hand in God se hand te plaas; om gelei te word deur Hom; daagliks. Soos Simon gaan ons dit dalk nie aldag regkry nie. Soos Petrus kan ons weet dat God steeds daar is, en moet ons bereid wees om gevorm te word. 
 
Gebed: 

Here, Hoop van my lewe. Neem my hand en lei my Heer, daagliks op U weë, meer en meer.
Amen.

Vorige Briewe