God se Plan

Soveel keer het ons al gehoor mense sê: “God se plan en tyd is ‘anders’ as ons s’n”. Meeste van die tyd stem ons saam, al voel ons nie ons nie so nie.

Die Bybel gee ons insig hierin, want soveel keer gebeur dinge op God se tyd, waarvoor mense nog nie reg was nie.  In die verhaal van  Noag en die vloed, lees ons mense is gewaarsku, maar hulle het nie ag geslaan nie. Josef se verkoop as slaaf was sekerlik vir niemand goed op daardie tyd nie, maar wel vir Jakob en sy familie jare later. Dawid se salwing as koning het gepaard gegaan met jare as dienskeg vir Saul waarin Saul, Dawid se lewe vele kere probeer beeïndig het. Met Jesus se geboorte is dit ook nie anders nie – alhoewel die volheid van die tyd gekom het, was nie Betlehem, Israel, Maria of selfs die wêreld reg vir dit wat Hy kom bewerk het nie.

Advent is ‘n tyd vir ons om te beplan. ‘n Tyd om voor te berei vir die werklike betekenis van die koms van Jesus Christus. Die Seun van God het vir elkeen gekom – elkeen wat hoop, verwag, kyk, soek en glo. Almal is welkom om Sy ster te volg; die kindjie in die stal te besoek; om hulde te bring aan God en Sy tyd en plan te aanvaar.

 
Geseënde voorbereiding,
Andre

Vorige Briewe