Kom tot rus

 
Teks: Psalm 62
 
Psalm 62 sê dat elke mens voor ‘n keuse staan. Gedurende ons lewens kan ons of op God of op mense vertrou.

Wanneer jy op mense vertrou, is dit soveel  keer ‘n waagstuk, want geen mens kan alles in hul eie lewe beheer nie. Mense is soos gras wat vergaan; gewigloos op ‘n skaal.

Daarteenoor is God soos ‘n rots – wie op Hom vertrou, het stewigheid en stabiliteit in sy of haar lewe, al is die lewe baie onseker. God is ‘n vaste punt in ons lewens. Hy is ‘n skuiling wanneer die storms van die lewe woed. Geen uitdaging is vir Hom te klein of te groot om aandag aan te gee nie. Daarom se vers 9: “Tell Him all your needs”.
 
God as rots, beteken nie dat die storms gaan wegbly nie. Die storms ruk voortdurend aan ons lewens-huise. Wanneer ons egter ons lewens-huise vas op Hom anker, te midde van die rukwinde, sal Hy steeds ons rots bly…onwankelbaar, seker en veilig.
 
GEBED: Here Rots vir my geslaan, laat my nie verlore gaan. Wees my heil en al my krag, tot U eer Heer elke dag. Amen
(met gedeeltelike erkenning aan Dr Annes Nel)
 
Seënwense en sien jou Sondag in jou huis.
Andre
 

Vorige Briewe