Om te rus

Teks: Hebreërs 4:1-11
 
Wanneer rus jy? Meeste van ons rus wanneer ons met vakansie gaan, of wanneer ons alles neersit en ontspan. So hoekom kom ons soms ‘moeg’ van vakansie af terug? Hoe is ek elke Maandag so moeg, na ‘n naweek van ‘rus’?

In die Bybel word rus dikwels gesien as die punt waar mense ‘n doel bereik het. Aan die einde van die Skepping rus God (Gen 2:2-3). Matteus verduidelik Jesus se woorde oor die Sabbat, en maak dit duidelik dat ware rus net by Jesus te vinde is (Matt 11:28). Daarom sê Hebreërs 4:10 “want elkeen wat in die rus van God ingaan, rus van sy werk, net soos God van Syne.”

Die Bybel wil vir ons uitwys, dat ware rus slegs te vinde is in die vrede wat ons by God beleef. Rus is nie gekoppel aan een dag se ‘afskakeling’ nie, of die wegdoen van sekere take nie. Rus en Vrede loop hand-aan-hand met die werklikheid en sekerheid van ons Verlossing, en die wete dat ons nie oor die dag van môre moet bekommer nie.
                      (met gedeeltelike erkenning aan Dr Annes Nel)

 
GEBED:  Here, lei my na waters van rus. Gee my U vrede. Amen
 
Rustige week en sien jou Sondag by Huiskerk.
André

Seënwense
Andrè

Vorige Briewe