Die Woord as Waarheid

TEKS:  Johannes 17:1-17
  
Johannes Calvyn verduidelik (in sy eksegese van Johannes 17) dat God se Woord die Waarheid is wat die Kerk en gelowiges skoon was en reinig. Volgens Calvyn gee die Skrif ons 'n reddende kennis van God, maar slegs wanneer die sekerheid daarvan "gegrond is op die innerlike oortuiging van die Heilige Gees." Daarom moet Woord en Gees altyd saamgaan.
 
Dit is hierdie karakter van die Woord wat sigbaar moet wees in die lewe en werke van elkeen wat die Woord (en woorde) van God ontvang. Ons moet God se Woord en Waarheid ken en daar volgens handel. Die Waarheid en woorde wat die Gees aan ons bekend maak in Jesus Christus, moet sigbaar wees in jou en my woorde en dade.
 
Mag die Woord van God, die woorde in ons en die oor ons lippe, die Waarheid word in ons lewens.
Andrè
 
Gebed – verwerk uit woorde van Calvyn: 

Here,
Daar is nie een grashalm, geen kleur in hierdie wêreld wat nie bedoel is om ons bly te maak nie en te getuig van U goedheid nie.
Wil U ons hoop vergroot wanneer dit klein is,
dit wakker te maak wanneer dit dormant is,
dit bevestig wanneer dit wankel,
dit versterk wanneer dit swak is,
en dit op te hef wanneer dit omvergewerp word.
Want aan U behoort en is alles.
Amen.