In volle oorgawe

Teks: Galasiërs 1:11-12
“‘die Goeie Nuus wat ek aan julle verkondig het, is nie deur mense uitgedink nie. Ek het dit nie by ’n mens gehoor of geleer nie, maar deurdat God Jesus Christus aan my geopenbaar het.”.
  
Elke Christen is voltyds  in diens vir Jesus Christus ons Here. As gelowiges, wat in pas is met God en Sy Woord, kan ons nie deeltyds betrokke wees soos ‘n 'reservis' van die weermag nie. Nee – ons oproep is om in volle diens van God te wees.
 
Na Paulus se bekering is die volle waarheid aan hom geopenbaar, wat in totale ooreenstemming was met wat die ander dissipels geweet en geleer het. So bou Paulus sy lewe en getuienis vierkantig op die basiese feite van Wie Jesus was, wat Hy gedoen het aan die kruis, sonder om iets by te las of te verander.
 
Dit is die sleutel tot effektiewe Christen diens. God het alles gegee en gedoen om verlossing vir ons te bewerk; ons moet dit met alles in ons lewe beantwoord uit dankbaarheid. Ons kan self nie groei in geloof, of ander help om te verdiep in hulle verstaan van God, as ons nie hierdie waarheid in ons lewens toepas nie.  
 
Kom kuier gerus saam by die volgende erediens en bring op nuut jou lewe in pas met God se wil.

Geseënde week.
Andrè

Vorige Briewe