Tyd.

  Prediker 3.

 ¹Elke ding het sy vaste tyd,
elke ding in hierdie wêreld het sy tyd:
²daar is 'n tyd om gebore te word, 'n tyd om te sterwe,
'n tyd om te plant, 'n tyd om plante uit te trek,
³'n tyd om 'n lewe te neem, 'n tyd om 'n lewe te red,
'n tyd om af te breek, 'n tyd om te bou,
⁴'n tyd om te huil, 'n tyd om te lag,
'n tyd om te treur, 'n tyd om van blydskap te dans,
⁵'n tyd om klippe weg te gooi, 'n tyd om hulle bymekaar te maak,
'n tyd om te omhels, 'n tyd om weg te bly van omhelsing af,
⁶'n tyd om aan te skaf, 'n tyd om te laat wegraak,
'n tyd om te spaar, 'n tyd om weg te gooi,
⁷'n tyd om te skeur, 'n tyd om toe te werk,
'n tyd om stil te bly, 'n tyd om te praat,
⁸'n tyd om lief te hê, 'n tyd om te haat,
'n tyd vir oorlog, 'n tyd vir vrede.
⁹Wat kry die mens vir die werk waarmee hy hom vermoei?
¹⁰Ek het gesien dat God aan die mens 'n taak gegee het om hom mee besig te hou. 
¹¹God het elke ding gemaak dat dit pas in 'n bepaalde tyd, maar Hy het ook aan die mens 'n besef gegee van die onbepaalde tyd. Tog kan die mens die werk van God van begin tot einde nie begryp nie.

¹⁴Ek het tot die insig gekom dat wat God doen, blywend is:
jy kan daar niks byvoeg nie
en jy kan daar niks van wegneem nie.
God doen dit sodat die mens vir Hom ontsag sal hê.
¹⁵Wat is, was reeds.
Wat kom, was ook alreeds.
God laat weer gebeur wat vroeër gebeur het.

Andrè

Vorige Briewe