Heilige Gees gebed.

Here, Heilige Gees,
U waai soos die wind oor duisend koringlande,
binne en buite die grensdrade,
want u wind waai waar hy wil.
Here, Heilige Gees,
U is die son wat op die grond skyn
en die kleinste saadjie tot lewe laat ontkiem,
sodat dit tot ’n yslike boom kan groei.
Here, Heilige Gees,
U is die moederarend wat onder haar kleintjies sweef.
Uit die hoogtes hou U u kinders sorgsaam dop.
U is ver verhewe bo die storms van die wêreld.
Here, Heilige Gees,
U is die wit wolk waarin ons kan skuil.
U is die een wat ons by ons Broer Jesus bring,
sodat ons ons kop op sy skouer kan laat rus.
Here, Heilige Gees,
in die liefde van vriende bou U vir ons ’n gesellige huis.
Die hemel is oral waar U by ons is.
U sing u soet lied in elkeen se hart wat deur U by God uitkom.

James K Baxter
(na ’n tradisionele gebed uit Nieu-Seeland)
(Uit: Die groot gebedeboek, Piet Naudé, 2014)

Andrè

E-pos: andre@sagemeente.com

Selfoon nommer:078 4102 9307