Ouerskap en beroep.

(2 Samuel 15: 1-14)

Na Dawid se militêre en administratiewe suksesse was daar ‘n fase van ‘n geweldige ontevredenheid oor sy bewind. Eers sy seun Absalom en later het die Benjaminiet Seba genoeg steun gekry om in opstand te kom teen koning Dawid.

Die rede hiervoor hang saam met Dawid se mislukkings as vader en eggenoot. Mislukkings en ongelukkigheid in die huisgesin het soms ook nadelige gevolge in die beroepslewe. Hoewel Dawid ‘n suksesvolle koning was, het hy dikwels as ouer misluk omdat hy sy kinders verkeerd hanteer het. Dit het nie net sy huisgesin benadeel nie, maar uiteindelik ook sy koningskap. Tog gaan dit nie net om die foute wat met die opvoeding van kinders gemaak word nie. Almal doen dit immers. Die probleme met Dawid se kinders het voortgevloei uit die probleme in Dawid se huwelikslewe en die gevolge daarvan. Wat in die huwelik gebeur, affekteer die hele gesin, en dit affekteer weer jou beroep en jou hele menswees.

‘n Mens se beroep, hoe belangrik ookal, mag nooit nagejaag word ten koste van jou gesin nie. Beroepskeuses moet op die vaste fondament van ‘n gesonde gesinslewe staan. Geloof, liefde en vergifnis is die sement wat jou gesin aanmekaar bind. Daarom is die prioriteit God se huisgesin, en nie primêr jou werk nie.  

Vorige Briewe 

Die prys van woorde God het nie net gepraat oor onvoorwaardelike liefde, vergifnis en verlossing van die wêreld nie, Hy het dit tot uitdrukking laat kom deur Sy Seun Jesus Christus. Laat toe dat Hy gehoor word in elkeen van jou woorde. More ... Die Woord as Waarheid Volgens Calvyn gee die Skrif ons 'n reddende kennis van God, maar slegs wanneer die sekerheid daarvan "gegrond is op die innerlike oortuiging van die Heilige Gees." More ... Jesus se Woorde Jesus se eerste woorde van Sy opstanding was net buite die leë graf. Ons lees daarvan in Johannes 20 waar Maria Magdalena na Hom gaan soek het. Sy was in trane, omdat Sy Hom nie kon kry nie, toe Jesus met haar praat. More ... Die kleur van vergifnis God is die bron van die volkome Lig wat ons lewe rig. Ons lewens-waarde lê in Hom wat deur ons skyn na die wêreld. Die wêreld word gevul met ‘n reënboog van kleure omdat God se verlossende Lig elkeen op ‘n unieke manier bereik en bevry. More ...