Voortdurend.
Dis heerlike lente, die winter’s verby; weer nooi berg’ en klowe vir jou en vir my. Die bergklim is heerlik, dit hou mens gesond. Die vroe-, vroeë môre het goud in die mond.
Die lirieke van hierdie Suid Afrikaanse volksliedjie klink hierdie jaar eg in die VK. Ons het ‘n wonderlike lente tot op hede en ons leef met ‘n afwagting van selfs ‘n beter somer. Die hitte van elke sonstraal vul ons met energie om elke takie in die dag met entoesiasme aan te pak. Ons het selfs meer krag vir die uitdagings op ons pad.
Galasiers 6 deel met ons hoe ons ‘n geestelike lente-somer energie kan ervaar:
“…wie op die akker van die Gees saai, sal van die Gees die ewige lewe oes. Laat ons dan nie moeg word om goed te doen nie…” (v8-10). Wanneer ons op God se gees vertrou, dan skyn God se ‘sonstrale’ al meer in ons lewe. Die gevolg is dat ons lewens meer gevul word met sy hitte en geestelike energie. Wanneer ons “goed doen” aan iemand; en dit herhaal; en herhaal…word dit elke keer net makliker om goed te doen.
Lewens wat getuig van God se gees, is gevul met ‘n ander soortige energie, dryf en determinasie, want die bron daarvan is Ewig en Onwankelbaar. Dan kan ons saam met die volksliedjie lofsing:
Die bergklim is heerlik, dit hou mens gesond. Die vroe-, vroeë môre het goud in die mond.
Seënwense,
Andrè
Vorige Briewe
| Wysheid oor die grysheid. | | Gebed…
Here, ek is een van die mense wat oud genoem word.
Ek lewe in die aand. Nie lank nie, dan is dit nag.
Laat my in my laaste treë nie alleen nie.
More ...
|
|
| WYSE BESLUITE en WARE LIEFDE… | | Ons moet tot God bid om wysheid, sodat ons elke dag besluite kan neem waardeur God verheerlik sal word. Ons moet tot God gerig wees, sodat ons weë en handelinge getuig van Sy ware Liefde.
More ...
|
|
| Winde van verandering. | | "Daarom, liewe broers, wees standvastig, onwankelbaar, altyd oorvloedig in die werk van die Here, omdat julle weet dat julle inspanning in diens van die Here nie tevergeefs is nie."
More ...
|
|
| |
|