Verwerkte gebed

Ewige God van die Woord,
ons dank U uit die diepte van ons hart dat U,
ten spyte van u majesteit en heerlikheid,
die God is wat met ons 'n liefdestaal deur u Woord praat.
U Woord is soos 'n spieël wat die goeie en die slegte aan ons
openbaar; soos 'n venster wat aan ons 'n uitsig op die ewigheid gee;
soos 'n brief waarin ons Vader sy liefde teenoor ons uitstort
Wanneer ons in U Woord delf,
vind ons die goud van U liefde en genade.
U Woord bring ons by die Rots waarop ons hele lewe gebou is:
Jesus, ons Verlosser - die grootste geskenk wat U
aan 'n verloregaande wêreld gegee het.
En U Woord lei ons na Jesus, ons lewende Saligmaker, toe.
Ons loof en dank U, o God, dat U nie 'n swygende God is nie,
maar dat U deur U Woord in U taal van liefde met ons praat.

"Woord van God, Woord van die lewe,
Woord vir ewig vas en waar,
Woord onfeilbaar en verhewe
waarin God Hom openbaar!
Woord betroubaar, vas en waar
deur miskenning, deur gevaar
wat sou ons dan ooit laat bewe?
In dié Woord het ons die lewel"
(Lied 255:1).
 
Ons bid dit in die Naam van Jesus, die vleesgeworde Woord.
Amen.
 
(verwerkte gebed deur Solly Ozrovech:)








 
Vorige Briewe