WYSE BESLUITE en WARE LIEFDE…

In 1 Konings 3:16-28 lees ons die bekende verhaal van twee vrouens, moeders, wat na Salomo kom om te bepaal wie se kind leef en wie se kind is dood.  Die verhaal vertel en bevestig Salomo se wysheid, maar dit vertel ook vir ons van die wese van ware liefde – ‘n Ma wat haar kind sal prysgee om hom te laat lewe.

Eeue later het God meer as dit gedoen.  Hy gee sy Seun prys, laat Hom aan die kruis offer om in ons plek te sterf om ons so te laat lewe.  So herinner en bewys God weereens aan ons sy almag, wysheid en ware liefde – want Hy doen dit sodat ons nie verlore sal gaan nie.

Die boodskap geld nie minder vir jou en my vandag nie.  Ons moet tot God bid om wysheid, sodat ons elke dag besluite kan neem waardeur God verheerlik sal word.  Ons moet tot God gerig wees, sodat ons weë en handelinge getuig van Sy ware Liefde.  Jesus sê immers vir ons: “Elkeen wat sy lewe wil behou, sal dit verloor, maar elkeen wat sy lewe om My ontwil verloor, sal dit behou”.

Seënwense,
André

 

 

Vorige Briewe 

Die Woord as Waarheid Volgens Calvyn gee die Skrif ons 'n reddende kennis van God, maar slegs wanneer die sekerheid daarvan "gegrond is op die innerlike oortuiging van die Heilige Gees." More ... Jesus se Woorde Jesus se eerste woorde van Sy opstanding was net buite die leë graf. Ons lees daarvan in Johannes 20 waar Maria Magdalena na Hom gaan soek het. Sy was in trane, omdat Sy Hom nie kon kry nie, toe Jesus met haar praat. More ... Die kleur van vergifnis God is die bron van die volkome Lig wat ons lewe rig. Ons lewens-waarde lê in Hom wat deur ons skyn na die wêreld. Die wêreld word gevul met ‘n reënboog van kleure omdat God se verlossende Lig elkeen op ‘n unieke manier bereik en bevry. More ... Die kleur van sonde Hemelse Vader, help my om verby my sonde en foute te kyk, om U goedheid en liefde vir my raak te sien. Wanneer dit moeilik is, O Heilige Gees, help ons om mekaar by te staan. Dankie vir die kleur van U liefde, wat duidelikste skyn in my nietigheid. Amen. More ...