As Woensdag

Teks: Johannes 3:16


"Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê."
 
Vandag is As-Woensdag, die offisiële begin van Lydenstyd. Lydenstyd, in die Christelike kerk, is 'n tydperk van verootmoediging en voorbereiding vir Paasfees. Oor die loop van die volgende veertig dae reflekteer en dink Christene regoor die wêreld oor die pad wat Jesus Christus gestap het om God se Liefde aan my en jou te illustreer.
 
Vandag is ook Valentynsdag, anders bekend as die Fees van St. Valentyn.  Die dag het ontstaan as 'n Christelike feesdag ter ere van 'n martelaar genaamd Valentine. Oor tyd heen het dit 'n belangrike kulturele viering van romanse en liefde in baie streke van die wêreld geword.
 
Dit kan vir ons vreemd klink om beide vreugde en liefde te vier, en op dieselfde dag ook te dink aan lyding, opoffering en verlatenheid. Dit is immers teenstrydig om in dieselfde asem te praat oor kruis en dood, tesame met liefde en lewe. Tog, wanneer ons voor God staan en na Christus luister, is dit presies wat Johannes 3:16 aan ons wil kommunikeer.
 
So baie maal verwag ons liefde om “maanskyn en rose” te wees. Maar die hart van liefde strek soveel dieper. God se liefde het ‘n duur prys vir ons betaal. Mag ons liefde, sigbaar wees deur die rose en sjokolades sowel as die lyding en as van die lewe.
 
Gelukkige Valentsydag en Geseënde As-Woensdag.
Andre
 

Kontak die kerkkantoor by
noordwyk@sagemeente.com of ena@sagemeente.com





 
Vorige Briewe