Sien die simbole

 
Soos ons van voorbereiding en verwagting na fees-viering beweeg, wil ek jou aanmoedig om te onthou wat ons werklik vier. Laat ons die rede vir Kersfees onthou... laat ons die simboliek van al die versierings onthou, laat ons weet dat al die vieringe... al die tradisies... al die Kersgebeure rondom Christus gesentreer is.
 
Terwyl jy na die Kersboom kyk, probeer om die simboliek te sien ... ons het Kersbome omdat die suiwer groen kleur van die statige denneboom regdeur die jaar groen bly, wat die ewige hoop van die mensdom uitbeeld.

Terwyl jy na die stêr kyk, probeer om die simboliek te sien ... die stêr was lank gelede die hemelse teken wat beloftes inhou. God het 'n Verlosser vir die wêreld belowe, en die stêr was die teken van vervulling van Sy belofte.

Terwyl jy na die Advent kerse en die kerse in jou huis kyk, probeer om die simboliek te sien ... dat die kers Christus simboliseer wat die lig van die wêreld is. Wanneer ons hierdie lig sien, word ons herinner aan Hom wat die duisternis verplaas.

Terwyl jy na die Kersfees krans kyk, probeer om die simboliek te sien ... dat die krans die ware aard van liefde simboliseer, dat God se liefde vir ons nooit ophou nie.

Terwyl jy na 'holly'-blare en 'holly'-bessies kyk, probeer om die simboliek te sien ... dat die holly-plant onsterflikheid verteenwoordig. Dit verteenwoordig die doringkroon wat deur ons Verlosser gedra is, en die rooi van die bessies verteenwoordig Sy bloed wat gestort is.

Terwyl jy na die geskenke onder die boom kyk, probeer om die simboliek te sien ... dat God die wêreld so liefgehad het, dat Hy Sy enige gebore Seun gegee het. Ons dank God vir die grootste Geskenk.

Terwyl jy na die 'candy canes' kyk, probeer om die simboliek te sien ... dat die 'candy canes' die herders se staf en haak verteenwoordig. Die staf en haak op die staf help om verdwaalde skape terug te bring na die trop. Net soos Jesus elkeen van ons tot God se kudde herstel.

Terwyl jy na die Engel bo-op Kersbome kyk, probeer om die simboliek te sien ... dat dit die engele was wat die glorieryke nuus van die Heiland se geboorte aangekondig het, terwyl hulle gesing het: "Eer aan God in die hoogste hemele, vrede op aarde teenoor mense.”

Laastens, terwyl jy die Kersfees klokke hoor, probeer om die simboliek te sien ... dat as die verlore skape deur die klank van die klokke gevind word, die Kersfees-tyding die mensdom na die stal behoort te bring. Die klok simboliseer leiding en terugkeer na God.
 
Alles dra by tot die wonder van Kersfees, wat ons in verwondering laat.

Geseënde Kersfees, Andrè.



 
Vorige Briewe