Ongelowiges weet Wie Jesus is

Teks:  Markus 15:33-41
 
Wanneer die Romeinse Centurio (offisier wat bevel voer oor 100 soldate) sê: “Waarlik hierdie man was die Seun van God!,” is dit geen geringe getuienis nie. Hierdie bevelvoerder was op versoek van Pilatus, op aandrang van die Joodse Raad, (wat gestaan en toekyk het), voor die gekruisigde Jesus wanneer hy Hom sy laaste asem só sien uitblaas. Wanneer hierdie soldaat (wat die keiser gesien het as die seun van die gode) sien hoe Jesus sterf, is dit genoeg om hom te oortuig en tot belydenis en geloof te bring.
 
Soos God Hom geopenbaar het aan die Wyse manne, die herders, dissipels, die vroue en die gelowige volgelinge van Jesus, so openbaar Hy Hom ook aan die heidense romein. Jesus se kruisdood en opstanding maak aan die wêreld bekend dat Jesus die Seun van God is. Nou kan ook ongelowiges, wat Jesus nie ken of wil ken nie, weet wie Jesus is soos dit aan hulle geopenbaar is.
(gedeeltelike erkenning aan Prof HG van der Westhuizen)
 
Gebed: 

Here,  
Laat ons lewens getuig en bely: Jesus is die Seun van God! My Here het waarlik opgestaan!
Amen.
 
Andre
 

Vorige Briewe