Die bose weet wie Jesus is

Teks: Matteus 4 en Markus 5

 
Wanneer die duiwel sê: “As U die Seun van God is, ” is dit telkens ‘n versoeking aan Jesus om hom te aanbid en van God weg te draai. Wanneer die demoon vanuit die besetene sê: “Los my uit, Jesus, Seun van die allerhoogste God!” is dit bestem dat ‘n gebroke en verwerpte man by Jesus uitkom. In beide gevalle is dit ‘n bevestiging van Jesus se aard en is dit duidelik dat die onsigbare, of metafisiese wêreld, Jesus se wese ken en Hom erken as die Seun van God.
 
Wanneer ons die woord “as” gebruik koppel ons meestal twyfel of voorwaarde daaraan. Aan die wese en aard van Jesus is daar geen twyfel oor nie, want die heelal erken Hom. Jesus het Hom ook aan ons kom openbaar as die Seun van God. Daarom kan ons glo en bid met sekerheid en vastheid in ons Almagtige Here en God.
 
                      (gedeeltelike erkenning aan Prof. HG van der Westhuizen)
 
Gebed: 

Here Jesus, laat elke tong getuig en elke hart bely dat U die Here is.
Laat elke hart dan juig – Here Jesus kom.

Amen.
 
Andre

Vorige Briewe