God hanteer ons nie soos 'n warm patat nie.

Teks: Genesis 28:10-22

“Ek is by jou en Ek sal jou beskerm waar jy ook al gaan. Ek sal jou na hierdie land toe terugbring. Ek sal jou nie in die steek laat nie. Ek sal doen wat Ek jou beloof het.”
 
Goeiemiddag Ena,
 
Ons almal ervaar een of ander tyd op ons lewensreis teleurstellings. Dit wissel deurgaans van skynbaar klein nietighede tot sake wat ons diep tref en laat terugdeins. Byna geen teleurstelling is groter as wanneer liefde ons in die steek laat nie. Wanneer dit gebeur, verwys ons daarna dat iemand ons “gedrop” het soos ‘n warm patat.
 
God se liefde vir ons is anders. Hy “drop” ons nooit nie. Sy liefde is onverganklik (volgens Sy eie Woord) – dit kan nie ophou nie.

In ons gedeelte staar Jakob ‘n onseker toekoms in die gesig. Daarom is hy verras oor die Here se belofte en bevestiging dat Hy hom nie in die steek sou laat nie, al het hy (wat Jakob was) nie God se goedheid verdien nie. Die Here bly getrou en maak die deur na die toekoms vir Jakob oop.

Die God van Jakob is ook die Here van jou lewe. God se vaste belofte is ook vir ons bedoel. Sy liefde het gekies om vir jou en my aan die kruis te wees. Daarom kan jy weet – Hy raak nie moeg om jou lief te hê nie – Hy sal jou nooit soos ‘n warm patat hanteer nie.

                                                                      (gedeeltelike erkenning aan Dr A Nel)
                   
Geseënde week en sien jou by die erediens.
Andre

Vorige Briewe