God is hier teenwoordig

Teks: 1 Korintiërs 3:16-17

"Weet julle nie dat julle die tempel van God is en dat die Gees van God in julle woon nie? As iemand die tempel van God beskadig, sal God hom straf, want die tempel van God is heilig, en die tempel is julle."
 
Baie van ons se eerste kennismaking met die tempel van God was alreeds op ‘n vroeë ouderdom. Ons het geleer dat dit ‘n teken was van God se teenwoordigheid. Die kerk is daarom vir ons ‘n baken – dat God hier teenwoordig is.
 
Paulus skryf in 1 Korintiërs 3 dat die menslike liggaam die tempel van die Here is. God is teenwoordig in elke gelowige deur Sy Heilige Gees wat in ons woon. Almal saam is die tempel van die Here. Die tempel se fondament is die liefde van Christus. As gelowiges is ons dus saam in die gemeenskap van God.
 
Ek wil jou oproep om in hierdie eenheid uit te reik na jou gemeenskap.  Gaan wees die Here se invloed waar jy leef en werk, begin in jou eie huis.

Mag die resultaat wees soos Lied 159 dit sing:

God is hier teenwoordig, laat ons biddend nader, daar waar jy (ons) voor Hom vergader.
 
Geseënde week.
Andrè

Vorige Briewe