Die hoop van 'n Moeder

In Genesis skep God die vrou saam met Adam om te heers oor die skepping. Die opdrag aan hulle: gaan bewerk en bewoon die aarde, dit het ons wêreld en lewens gevorm soos dit vandag is. Moeders is ‘n groot deel van die rede hoekom ons hier is en hoekom ons is wie ons is.
 
Die rol van ‘n Moeder is kompleks. Dit lei ‘n kind vanaf algehele afhanklikheid na onafhanklike volwassenheid, alhoewel ‘n Ma steeds daardie baba in haar arms sien. Die oë van ‘n Moeder kyk anders, want dit sien die beste in elkeen van haar kinders te spyte van hul foute en tekortkominge. "Die liefde van ‘n Moeder is soos die weduwee se kruik wat vol bly al sou sy dit gebruik" (Lucas Maree).
 
‘n Aanhaling wat ek onlangs op die internet raakgelees het sê: "God could not be everywhere, and therefore He made Mothers…Youth fades; love droops; the leaves of friendship fall; but a Mother's secret hope outlives them all." Dit laat 'n mens dink…’n Moeder se liefde is soos, 1Korintiërs13 bekryf:  "Dit bedek alles, glo alles, hoop alles, verdra alles."
 
Gebed: 
Here, Dankie vir die vroue in ons lewe. Dankie vir my Moeder. Seën haar vrygewige gees. Bewaar haar liefdevolle hart. Hou haar naby aan U ten alle tye. Skenk aan elke vrou in my lewe U vrede.

Amen.
 
Andre

Vorige Briewe