Gebed vir die week

O Heilige God, ek begin insien
waarom my gebede so min effek het.
Dit is omdat ek meer begaan was
oor hoe ek met U praat,
as hoe U met mý praat.
Ek het nog nie verstaan nie dat die geheim van lewende geloof
daarin lê dat u lewende Woord in my hart moet wees.
U Woord sê tog duidelik:
Elke mens moet gewillig wees om te luister,
maar moenie te gou praat nie.
Here, leer my om nie so baie voor U te praat nie,
en meer en fyner te luister
na u stem in u Woord.
Leer my dat dit net is wanneer u Woord
deel word van my lewe,
dat ek volgens u wil sal kan bid.
Leer my dat, slegs wanneer u Woord
’n lewende krag in my is,
die werk wat ek vir U doen
lewende krag na buite sal hê.
Here, ek begin begryp dat dit wat u mond gespreek het
u hand sal doen.
 
Andrew Murray
(Uit: Die groot gebedeboek, Piet Naudé 2014)
Seënwense en sien jou Sondag in jou huis, 

Seënwense
Andrè
 

Vorige Briewe