Lewensreis.

 
 ‘n Tuiste bied aan ons standvastigheid en sekerheid. Wanneer ons skool verlaat, klaar gestudeer het en eindelik voltyds werk, is ‘n huis om in tuis te kom een van die eerste dinge waarna ons soek. ‘n Tuiste bied aan ons beskerming. In tye van onstuimige weer voel ons veilig in ons tuiste.
 
As Christene moet ons daarteen waak om ons fisiese woning te sien en te bou as ons tuiste. Frank Lloyd Wright het gesê baie ryk mense is niks meer as hekwagters van hulle besittings nie. Die Spreuke digter vat dit mooi saam as hy sê dat ‘n ryk man sy besittings as sy vestingstad sien, as ‘n hoë muur wat Hom beskerm.
 
Spreuke 18:10 sê: Die naam van die Here is ‘n sterk vesting: die regverdige vind daar skuiling. Ons is gelowige reisigers, pelgrims oppad na God. Ons is oppad na iets beters as hierdie wêreld en sy skatte. Ons ware tuiste is nie in ‘n plek of iets nie, maar is ‘n Persoon. God is die Een wat is, wat was en wat weer sal kom. In Hom alleen vind ons ‘n ewige sekerheid, standvastigheid en beskerming.

                                          (gedeeltelike erkenning aan Dr Annes Nel)


Gebed: 

Here God, by U alleen is ek tuis.
 
Andrè

Vorige Briewe