Om die hemel te proe.

Teks: Romeine 8:23
…ook ons wat die Gees ontvang het as die eerste gawe van God, ons sug ook

Elkeen van ons onthou ons eerste motor. Vir meeste van ons was dit ‘n redelike ou kar wat ‘n paar stampe en stote gehad het om te wys. Ons elkeen weet dan ook hoe moeilik dit is om, na ‘n tydperk en rit in ‘n gemaklike luukse motor, weer in die ou skedonk te klim.
 
In die Ou Testament lees ons van die eersteling offer – dit was ‘n teken dat die hele oes aan die Here behoort. Wanneer Paulus die Gees die ‘eerste gawe’ noem, sê hy aan sy lesers: God gee aan julle die Heilige Gees as die eerste gawe van die oes. Wie die Gees van die Here ontvang het, het ‘n voorsmaak van die hemel gekry – hoe dit is om direk by God te wees (Annes Nel).
 
Ons weet – die wêreld waarin ons leef is gebroke. Dit is gevul met pyn, trane, dood, sonde en hartseer. Christene ly ook onder siekte, geweld, verlies en onsekerheid. Dit is belangrik om te onthou – God gee aan jou Sy kinders Sy Gees. Daarom verstaan gelowiges dat hierdie wêreld, lewe en uitdagings tydelik is. Dit is maar ‘n oomblik…’n sug…waarin die Gees van God ons versterk en lei na die ewige heerlikheid.
 
Sien jou Sondag by Huiskerk.
Andrè

Gebed: Here God, dankie vir U Gees. Heilige Gees, help my om op te kyk, verby die kortstondige, om die ewige te sien en aan vas te hou. Amen.
 

Vorige Briewe