Tyd.

 Tyd is beperk. Tyd is kosbaar. Tog is tyd net aan ons geleen en het  ons geen beheer daaroor nie.
 
Die Bybel verwys op verskeie  plekke na tyd. Die woorde van Jakobus 4:13-14 het menigte gelowiges in 2020 diep getref:

Kom nou, julle wat sê: “Vandag of môre sal ons na dié en dié stad toe gaan en 'n jaar lank daar bly; ons sal sake doen en geld maak.” Julle wat nie eers weet hoe julle lewe môre sal wees nie! Julle is maar 'n damp wat 'n oomblik verskyn en sommer weer verdwyn.

Hoe waar het die woorde nie gevoel met tye nie? Hoe diep tref hierdie woorde tog nie steeds nie…?
 
Alles is tog nie verlore nie. God gee aan ons die tyd. Dit is belangrik om ook wyer te kyk. Prediker 3 herinner ons dat daar ‘n tyd vir alles is –

   1 Elke ding het sy vaste tyd,
  elke ding in hierdie wêreld het sy tyd:
   2 daar is 'n tyd om gebore te word, 'n tyd om te sterwe,
  'n tyd om te plant, 'n tyd om plante uit te trek,
   4 'n tyd om te huil, 'n tyd om te lag,
  'n tyd om te treur, 'n tyd om van blydskap te dans,

 
Hoe spandeer jy jou tyd? Wat is bo-aan jou prioriteitslys in 2021?

Mag die woorde van Prediker 3:11 en Jakobus 4:15 jou lei …

11 God het elke ding gemaak dat dit pas in 'n bepaalde tyd, maar Hy het ook aan die mens 'n besef gegee van die onbepaalde tyd. Tog kan die mens die werk van God van begin tot einde nie begryp nie. Julle moet eerder sê: “As die Here wil, sal ons lewe en sal ons dit of dat doen.”

 
Voorspoed vir jou reis saam God in 2021.
Andrè

Vorige Briewe