Preek met jou lewe.

Teks:  Matteus 5:13-16
 
Die afgelope naweek het ons gehoor dat gebed die sleutel is tot die deur van en vir God se Woord. Die Woord leer ons op verskeie plekke van God se roepstem. In die bergrede in Matteus 5:16 sê Jesus:

Laat julle lig so voor die mense skyn, dat hulle julle goeie werke kan sien
en julle Vader wat in die hemel is, verheerlik.

Jesus wys ons daarop dat Sy navolgers se lewensstyl 'getuig'. Ons praat met ons lewe. Wanneer mense na ons lewens kyk moet hulle die Vader in die hemel verheerlik (v16) omdat hulle God se gees en liefde beleef en ervaar.
 
Goeie werke is om soos ‘n Christen op te tree: in die regte verhouding tot mekaar (5:21-48) en die regte verhouding tot God (6:1 – 7:12).

Is jou lewensstyl anders as die wêreld s’n?
Verheerlik ons God deur die lig wat ons uitstraal?
Of maak ons verskonings om nie te praat, soos Moses?
Of oor ons ouderdom, soos Jeremia?
Of ontken ons Hom selfs, soos Petrus?

 
Moeder Teresa het eenkeer gesê: Ons as Christene is dikwels die grootste struikelblok vir hulle wat probeer om nader aan Christus te kom. Ons preek dikwels ‘n evangelie wat ons nie leef nie. Dit is die grootste rede hoekom mense van die wêreld nie glo nie.
 
Sien jou Sondag in jou huis by Huiskerk.
Andrè

Vorige Briewe