Uit God se hoek.

God is die Skepper van hemel en aarde en Hy is besig met die lewe se legkaart. Het jy al ooit gewonder hoe God na dinge kyk…?  Wat sien God wanneer Hy na ons lewens kyk?  Lê die stukkies van jou lewe deurmekaar…of vloei jou lewens-legkaart maklik ineen? 

In Genesis lees ons van Josef wat oornag van ‘gunsteling seun’ na ‘verkoopte broer en slaaf’ verander het. Ek is amper oortuig Josef het klomp vrae en worstelinge gehad oor hoe sy lewe verander het en hoekom God dit alles toegelaat het. Tog lees ons nie hiervan nie en herinner die verhaal ons dat God se visie en invalshoek nie onderworpe is aan ons tyd en perspektief nie. Josef se karakter en vertroue in God in alle omstandighede vervul God se beloftes, aan hom persoonlik en aan die hele Israel.

God is by jou vandag en môre. Hy wil jou help met jou lewens- en geloofs-legkaart. Vertrou Hom, al is dit soms moeilik om Sy plan raak te sien.

Omdat julle kinders van God is en Hy julle liefhet, moet julle sy voorbeeld volg. Lewe in liefde, soos Christus ons ook liefgehad en om ons ontwil sy lewe as 'n offergawe gegee het, ja, 'n offer wat vir God aanneemlik was (Efesiërs 5:1-2 )

Geseënde week
Andrè

Vorige Briewe 

Wysheid oor die grysheid. Gebed… Here, ek is een van die mense wat oud genoem word. Ek lewe in die aand. Nie lank nie, dan is dit nag. Laat my in my laaste treë nie alleen nie. More ... WYSE BESLUITE en WARE LIEFDE… Ons moet tot God bid om wysheid, sodat ons elke dag besluite kan neem waardeur God verheerlik sal word. Ons moet tot God gerig wees, sodat ons weë en handelinge getuig van Sy ware Liefde. More ... Wonderwerke Dit is besonder kosbaar. More ... Winde van verandering. "Daarom, liewe broers, wees standvastig, onwankelbaar, altyd oorvloedig in die werk van die Here, omdat julle weet dat julle inspanning in diens van die Here nie tevergeefs is nie." More ... Wie is my naaste? Geniet die avontuur om God se wil te doen. More ... Wie is jy? Ons is kinders van God. More ... Wie is jy? Jou lewensreis loop hand aan hand met die vraag...... More ... Wie is die Here? God openbaar Hom elke dag aan jou. Die vraag is: soek jy en luister jy…? More ... Wie is die Here van my lewe? Alles is in Hom, deur Hom en tot Hom. More ... Wie het die Bybel geskryf: God of mense? Om God se wil te openbaar en die evangelie van hoop te bring. More ...