Jesus se kruisverhaal

 

Romeine 5:18-21
 
Soos klip-gooi in ‘n spieël gladde meer rimpelings veroorsaak, so het alle aksies ‘n impak en gevolg. Ons sien dit vandag duidelik met ‘Brexit’, ‘global warming’ en ‘mense regte’. Jesus se koms het so ‘n impak op die Jodedom van sy tyd gehad. Sy onderrig en kruisdood het dit verder laat strek na die hele wêreld van daardie tyd.
 
Jesus se kruisverhaal het drie ‘partye’ wat in wisselwerking rimpelings veroorsaak. Die eerste is die mens – Adam. Sy sonde het die mens se verhouding met God geskend en het tot vandag ‘n impak op ons lewens. Die tweede party is Jesus Christus. Hy het op Golgota aan die kruis self Adam – die mens – se straf gedra. Die derde party is die Heilige Gees wat geloof in ons bewerkstellig. Dit is belangrik om te onthou dat Jesus se verlossingswerk saamloop met werk van die Heilige Gees – Hy werk in en tot en deur ons.
 
Die vraag vandag is eenvoudig: Watter gevolg het die Paasboodskap in ons lewens? Ander gestel: Watter rimpelings het Jesus se kruisgebeure in jou lewe en diegene wat dit aanraak?  
 
Seënwense,
Andrè