Kom vier Paasfees saam met ons!

Johannes 3:11-18

Elke dag weerklink die woorde reg oor die wêreld – ek is lief vir jou – in verskillende verhoudinge. Hierdie woorde bewys ‘n sekere verbintenis aan die spesifieke persoon. Wanneer iemand sê hy/sy is lief vir jou, maar anders optree, verloor hierdie woorde hulle trefkrag.

Hierdie komende naweek is Paasnaweek – Goeie Vrydag en Paassondag – waarop God sy liefde vir sondaars bewys met ‘n konkrete daad. Jesus lê sy lewe vir sondaars af, want wanneer God sê Hy het ons lief, is dit nie net woorde en lippetaal nie. Die bewys van God se liefde vind ons aan die kruis op Golgota.

Omdat God ons eerste liefgehad het, sonder dat ons dit verdien, moet ons mekaar ook liefhê. Daarom word ons as gelowiges in 1 Johannes 3:18 vermaan: Liewe kinders, ons liefde moenie net woorde en lippetaal wees nie, maar moet met die daad bewys word, en dan in opregtheid. Ons moet God toelaat om ons lewens met sy liefde aan te raak. Ons moet die wêreld met Sy liefde gaan aanraak.

Kom vier Paasfees saam met ons! Vrydag se gesamentlike CTL erediens is by LBC om 10 uur. Sondag se SAG opstandingsdiens is by Guildford Gemeente om 10 uur.

(met gedeeltelike erkenning aan Ds JA Swart)
Geseënde Paasfees!
Andrè

Vorige Briewe

Die prys van woorde

God het nie net gepraat oor onvoorwaardelike liefde, vergifnis en verlossing van die wêreld nie, Hy het dit tot uitdrukking laat kom deur Sy Seun Jesus Christus. Laat toe dat Hy gehoor word in elkeen van jou woorde. More ...

Die Woord as Waarheid

Volgens Calvyn gee die Skrif ons 'n reddende kennis van God, maar slegs wanneer die sekerheid daarvan "gegrond is op die innerlike oortuiging van die Heilige Gees." More ...

Jesus se Woorde

Jesus se eerste woorde van Sy opstanding was net buite die leë graf. Ons lees daarvan in Johannes 20 waar Maria Magdalena na Hom gaan soek het. Sy was in trane, omdat Sy Hom nie kon kry nie, toe Jesus met haar praat. More ...

Die kleur van vergifnis

God is die bron van die volkome Lig wat ons lewe rig. Ons lewens-waarde lê in Hom wat deur ons skyn na die wêreld. Die wêreld word gevul met ‘n reënboog van kleure omdat God se verlossende Lig elkeen op ‘n unieke manier bereik en bevry. More ...