GEBEDSFIKS

 

Hoe raak ek gebedsfiks? Hoe kry ek dit reg om sonder ophou te bid, soos wat Paulus in 1 Tessalonisense skryf? Hoe bid ek ook sonder om in geykte woorde en frases vas te val?

Wel, daar's geen resep vir "regte" gebede nie. Maar daar is wel vaste beginsels.
 

Gebed is altyd 'n gesprek met die lewende God. Gebed is om in Jesus se naam met Hom te praat.
 

Nee, dit is nie in die eerste plek vraag-en-antwoordsessies nie. Ek bid nie net as ek iets op die hart het, of iets van God wil hê nie.
 

Ek bid om Hom te verheerlik. Ek bid om sy Naam groot te maak. Ek bid want ek geniet God se teenwoordigheid. Daarom kan ek partykeer net woordloos en stil in sy teenwoordigheid wees.

Gebed gebeur ook in die regte lewe. Ek bid agter my motor se stuurwiel; terwyl ek toustaan, maar ook wanneer ek doelbewus gebedstye opsy sit. So oefen ek lewenslank om reg te bid.
 

Mag jy in hierdie vakansietyd gebedsfiks word!
 

    

                                                                                                                 Stephan Joubert

Seëngroete, Andrè

 

 

 

Vorige Briewe 

Die prys van woorde God het nie net gepraat oor onvoorwaardelike liefde, vergifnis en verlossing van die wêreld nie, Hy het dit tot uitdrukking laat kom deur Sy Seun Jesus Christus. Laat toe dat Hy gehoor word in elkeen van jou woorde. More ... Die Woord as Waarheid Volgens Calvyn gee die Skrif ons 'n reddende kennis van God, maar slegs wanneer die sekerheid daarvan "gegrond is op die innerlike oortuiging van die Heilige Gees." More ... Jesus se Woorde Jesus se eerste woorde van Sy opstanding was net buite die leë graf. Ons lees daarvan in Johannes 20 waar Maria Magdalena na Hom gaan soek het. Sy was in trane, omdat Sy Hom nie kon kry nie, toe Jesus met haar praat. More ... Die kleur van vergifnis God is die bron van die volkome Lig wat ons lewe rig. Ons lewens-waarde lê in Hom wat deur ons skyn na die wêreld. Die wêreld word gevul met ‘n reënboog van kleure omdat God se verlossende Lig elkeen op ‘n unieke manier bereik en bevry. More ...