IN die Begin...

Teks:  Johannes 1:1-18

In die begin van die jaar is ons op nuut bewus van die feit dat ons pelgrims is. Ons reis jaar tot jaar en dag tot dag oor grense en oseane heen. 
 
Dag en nag, aand en môre, seisoene en jare is van die begin af daar. Hulle gee die ritme waarin die diere en die mense lewe. Die mens slaap snags en werk bedags. Die roofdiere slaap in die dag en jag in nag. Die son, die maan en die sterre is daar om die ritme van die lewe vir die skepping te verseker. Die son, die maan en die sterre is tekens van die tye.

Een stêr was ‘n besondere teken. Hy was een maal daar, en hy was die teken van ‘n nuwe tyd wat gekom het. Hierdie stêr het mense gelei na die plek waar die Kindjie was. Dit beteken dat die ritme van die tyd nie eindeloos is nie. Die tyd het vol geword. God wat geskep het, skep weer.

Openbaring praat van hierdie nuwe skepping. Die oue gaan verby, en God maak alles nuut. Daar sal nie meer nag wees nie, ook nie ‘n son en ‘n maan nie. Die ritme van die tyd voer na die eindpunt toe, wanneer God alles sal wees vir almal wat aan Hom behoort. Hyself sal hulle tempel wees en hulle lig, hulle lewe.

                                                                      (erkenning Prof JP Oberholzer)
 
Elke nuwe dag bring ons nader aan ons bestemming. Ons is pelgrims wat weet waarnatoe ons gaan.

Geseënde Week.
 
Andre
andre@sagemeente.com

Vorige Briewe