'Three Days to see.'

Helen Keller het aan die begin van 1882 op die ouderdom van 19 maande ‘n virus opgedoen wat haar doof en stom gelaat het. As persoon het Sy het diep spore getrap in ander mense se lewens. Een van haar wense wat my laat dink het, deel ek graag...
 
Helen het gesê indien sy drie dae gehad het om te sien, sy die volgende graag sou wou sien:
 
'Op die eerste dag, sou ek graag mense wie se vriendskap en goedheid die lewe vir my die moeite werd gemaak het, wou sien.  Ek sou hierdie vriende opsoek en vir ‘n lang ruk net na hulle kyk. Ek sou ook in die gesig van ‘n pasgebore baba wou kyk.  Ek sou graag al die boeke wou sien wat ek al gelees het. Ek sou elke klein dingetjie en warm kleur wou inneem.
 
Op die tweede dag sou ek met dagbreek opstaan. Ek sou ‘n museum besoek en leer hoe mense vorentoe beweeg het in die vervaardiging van dinge. Ek sou na ‘n kuns-uitstalling gaan en ‘n studie van die mens se siel uit skilderye en beeldhouwerk maak.
 
Op die derde dag sou ek weer die dagbreek groet, gretig om die skoonheid van die natuur te ontdek. Ek sou die laaste dag deurbring daar waar mense hulle dagtaak verrig. Ek sou op ‘n besige straathoek staan, en iets probeer verstaan van die daaglikse lewe van mense, deur in hulle gesigte te kyk en te lees wat daar geskryf staan.
 
Op die laaste aand, sou ek na die teater gaan en ‘n snaakse opvoering bywoon om die klanke van humor en die menslike gees te waardeer.
 
Ek is blind, so aanvaar my raad soos ek dit bedoel. Gebruik jou sig (en elke sintuig), asof jy môre met blindheid geslaan gaan word.'
 
"Three Days to see"
by Helen Keller
 
God se liefde en lig in Christus belig ons wêreld met ‘n nuwe persepsie. Gaan kyk opnuut na jou lewe en alles rondom jou, as verloste en geredde mens. Gaan sien die dinge wat saak maak. Gaan ontdek die buitengewone in die gewone van elke dag.
 
Geseënde week.
Andrè

Vorige Briewe