KOM OEFEN SAAM

 
2018 is skaars onderweg en dit voel of ons al vêr die jaar in is.  In die gesondheidswêreld praat hulle van “fatigue” – om moeg te wees en nie voldoende energie te hê nie.  Ja, net 10 dae verby en baie van ons voel of ‘n volgende breuk en vakansie nie meer te lank moet wag nie.  Voor ons dit besef, lê komende sake en die onbekende van die nuwe jaar soos ‘n berg voor jou en my.
 
Die Woord van God sê ons hoef nie te vrees, bekommerd of onseker te wees nie. Die Psalm digter bevestig dit:

Die Here bepaal die koers van die mens met wie se pad Hy tevrede is, en Hy ondersteun hom.
As so iemand val, bly hy nie lê nie, want die Here help hom op.

En hy getuig ook:

Ek was jonk en ek het oud geword, maar nooit het ek 'n regverdige verlate gesien of dat sy nageslag brood soek nie.
Hy is altyd vrygewig, hy leen uit sonder rente: met sy nageslag sal dit goed gaan. (Ps 37:23-26)

 
Elke mense is in hulle diepste wese geestelik, op een of ander manier.  Ons elkeen is op ‘n geestelike pad en reis.  Die vraag om vandag te vra is:  Is jy tevrede met die geestelike pad waarop jy is? …Is die Here tevrede met die lewenspad waarop jy is?

Aan die begin van 2018 gaan ons saam ondersoek instel oor: my Geestelike Oefen Plan – Watter sake en gewoontes is noodsaaklik vir my geestelike pad, reis en verhouding saam met die Here.  Daarom is ons erediens temas oor die volgende paar Sondae soos volg:

Sondag 14 Januarie 2018 – Sterkste geestelike beginpunt – Matteus 7
Sondag 28 Januarie 2018 – Bron van geestelike energie – Psalm 119
Sondag 11 Februarie 2018 – Vereiste vir geestelike groei – Filippense 2
Sondag 25 Februarie 2018 – Bewyse van geestelike program – Matteus 25 en Lukas 2
 
KOM OEFEN SAAM!  Kom ondersoek, leer en leef jou reis saam met ons op die bogenoemde Sondae by Loughton.  Sien jou daar!
 
Soli Deo Gloria – Al die Eer aan God!
Andre
 
 

Vorige Briewe 

Kerk
Ek is seker oor die toekoms van die Kerk. Hoekom? Omdat ek seker is van Wie in beheer is van my, my familie en my kerk. Voorspoed vir 2019! Mag God jou hand, lewe en familie versterk! More ...
Voorspoed vir 2019
Ons is die Here se Lig en Liefde in ‘n wêreld waar mense Hom meer as ooit nodig het. Ons is God se teenwoordigheid op aarde en ons stemme verkondig Sy evangelie en eer. More ...
Kersfees vir Almal.
Kersfees is ‘n tyd van gee… God gee Hoop, Vreugde, Vrede, Liefde en Christus aan jou. Mag jy jouself aan Hom gee en verbind. More ...
Kersfees -Leer ons Kinders.
Dit gee ons insig om deur die simbole by die kern van Kersfees uit te kom. More ...