ADVENT

 
Advent is ‘n wonderlike tyd van die jaar!  Oral oor die wêreld maak mense reg vir Kersfees; reg om die geboorte van die Koningskind te vier.  Dit is ‘n tyd van die jaar waar ons weer op nuut voor die vraag staan: Wie is hierdie Jesus en wat het God deur Hom vir ons kom doen?
 
Johannes 1:1-3 sê: “In die begin was die Woord daar, en die Woord was by God, en die Woord was self God. Hy was reeds in die begin by God. Alles het deur Hom tot stand gekom: ja, nie 'n enkele ding wat bestaan, het sonder Hom tot stand gekom nie.” Jesus het voor sy geboorte al bestaan.  Hy lewe van ewig af, voor die skepping van die wêreld en die mens. Hy het nie dieselfde beperkinge as die mens nie – Hy is meer as ons mense – Hy is God self en Sy liefde vir ons bestaan al van die skepping af.
 

Sondag 10 Desember om 9:00 gaan ons saam Sy liefde herdenk deur die nagmaal te gebruik. Kom deel daarin! 

Daarna gaan ons saam met ons kinders Jesus loof in ‘n gesamentlike ‘Carol Service’ met die Baptiste Gemeente (LBC). Kom prys Hom! 

LBC het ook gevra om saam deel te neem aan hulle “200 Acts of Kindness” deur aan die kinders by Haven House Children's Hospice ‘n geskenk te gee. Bring daarom asb ‘n nuwe speelding saam sodat ‘n kind herinnner kan word aan God se liefdesgeskenk hierdie Kersfees.

Sien julle Sondag!
 
Geseënde Advent,
Andrè

 

Vorige Briewe 

Jesus se kruisverhaal.
Die vraag vandag is eenvoudig: Watter gevolg het die Paasboodskap in ons lewens? Ander gestel: Watter rimpelings het Jesus se kruisgebeure in jou lewe en diegene wat dit aanraak? More ...
Hy het opgestaan!
Christus is by ons al die dae tot aan die einde van die wêreld. In Hom en deur Hom leef ons. Saam met Hom stap ons die res van die jaar tegemoet met hoop. More ...
Kom vier Paasfees saam met ons!
Elke dag weerklink die woorde reg oor die wêreld – ek is lief vir jou – Wanneer iemand sê hy/sy is lief vir jou, maar anders optree, verloor hierdie woorde hulle trefkrag. More ...
Om dankie te sê.
Ondanks hulle wonderbaarlike genesing van hierdie ongeneeslike en hoogs aansteeklike siekte, vergeet nege om dankie te sê. More ...