Oppas vir daardie drie groot "Y's"

Oppas vir daardie drie groot "Y's"

Waar jy bly
Wat jy ry
Wat jy kry
 
Ry, bly en kry = ly!
Miljoene mense hier op moederaarde ly 24 uur per dag vir dit wat hulle ry, dit wat hulle kry en daar waar hulle bly. Van vroeg tot laat sloof hulle hulleself af vir aardse besittings. Hulle jaag van die een dag na die ander om nog geld te kry, want hulle glo daardie leuen dat nog meer besittings gelyk is aan groter geluk. Hoor hier, dit is eenvoudig nie waar nie. Dan sou almal wat al die regte goed op hulle naam het mos super-gelukkige mense gewees het.
 
Geestelike armoede en bankrotskap teister egter vele se lewens wat sulke leefstyle aanhang. Dit is die dood in die pot om heeltyd agter blydinge, rydinge en krydinge aan te leef. Wanneer jy 'n "lang-y" slaaf is, is jy nooit tevrede of gelukkig nie. Hou dadelik op hiermee.
 
Doen wat Jesus in Matteus 6:33 voorstel vir 'n gelukkige lewe: "Stel God se koninkryk eerste. Doen net daardie dinge wat vir Hom belangrik is. Hy sal vir die res sorg. Hy sal elke dag vir julle genoeg kos en klere gee."
 
Mag jy in hierdie nuwe skooljaar uit die regte staanspoor begin.

                                                                                              deur Stephan Joubert 
Seën wense, 
Andrè 

Vorige Briewe